Ola a todas e todos!. Os alumnos de 5º con motivo do Magosto pensamos en facer unha receita relacionada con este, e aproveitando a inestimable axuda da profe Antonia ,que coñece moitas receitas con castañas, decidimos elaborar unhas conservas en xarope deste froito. Descrición da receita: 1º.- Entrecocer un pouco as castañas e pelalas. 2º.- Elaboración do xarope: • Fervemos 800 ml de auga con 400 g de azucre 3º.- Metemos as castañas nun bote de cristal e cubrímolo co xarope ata o borde e cerramos ben coa tapa. 4º.- Cocemos os botes a baño maría unhos 15 minutos. Degustación: Deixamos repousar 2-3 meses para que colla o xarope e logo comémolas cando queiramos.
